وعدت سنة سنة كاملة 365 يوم و ربع
شفنا فيها سوا لحظات كتير حلوة خالص و لحظات تانيه حلوة نص نص , اما اللحظات اللي كانت شوية سخيفة فمش عايزة افتكرها ..
عايزة اسقط من ذاكرتي النهاردة في ذكرانا الاولي كل ما هو مش حلو .. علشان حتي اللي مش حلو .. معاك لما ببص عليه بلاقيه حلو ..
او علي الاقل بلاقي ان كان له لازمه ..
اصل الحجات الوحشة – بتراكمها - مع الحجات الحلوة
شفنا فيها سوا لحظات كتير حلوة خالص و لحظات تانيه حلوة نص نص , اما اللحظات اللي كانت شوية سخيفة فمش عايزة افتكرها ..
عايزة اسقط من ذاكرتي النهاردة في ذكرانا الاولي كل ما هو مش حلو .. علشان حتي اللي مش حلو .. معاك لما ببص عليه بلاقيه حلو ..
او علي الاقل بلاقي ان كان له لازمه ..
اصل الحجات الوحشة – بتراكمها - مع الحجات الحلوة
, و الحجات النص نص هي دي درجات سلم الحياة
اللي
ضروري نطلعه مع بعض درجة درجه .. هي تاريخنا.. عمرنا اللي بنعيشه .. بازل
نلملمه حته حته و نرصه جمب بعض , نبعد شويه عشان نعرف نشوفه و نقرب شويه
عشان نكمل تجميع الحتت الباقية .. الحتت الحلوة و الحتت الوحشة ..
نفرح بالحلو و نتجاوز عن الوحش .. و بعد شويه نبص و ندقق فنلاقينا مع بعض من زمان ماسكين ايد بعض و ماشين الطريق سوا .. خطوه خطوه .. اللي يتكعبل فينا ما يخافش علشان واثق ان حبيبه جمبه و عينه عليه , و قلبه سانده قبل اديه ..
كل سنة و انت طيب يا حبيبي
كل سنة و احنا سوا
بسمة
نفرح بالحلو و نتجاوز عن الوحش .. و بعد شويه نبص و ندقق فنلاقينا مع بعض من زمان ماسكين ايد بعض و ماشين الطريق سوا .. خطوه خطوه .. اللي يتكعبل فينا ما يخافش علشان واثق ان حبيبه جمبه و عينه عليه , و قلبه سانده قبل اديه ..
كل سنة و انت طيب يا حبيبي
كل سنة و احنا سوا
بسمة
